 |
حق نواز چوہدری، گوجری شاعر
ماں
ماں سوہنی نے بچپن اندر
پالے کی ہے خدمت تیری
پاک نبیؐ نے سچ فرمایو ماں گا قدمیں جنت تیری
لےگے اپنی جھولی اندر تازہ دودھ گی نہر پلاوے
تُو سووے وَہ جاگے راتیں پل پل کی ہے نصرت تیری
آپ سُتی وَہ گِھلی جگہ
تناں سُکی جا سلایو
تیرو گند پیشاب وَہ دھووے سہہ نہ سکی زحمت تیری
بولن چلن کھان سکھائیو ماں اپنی نے بچپن اندر
ہو جوان ہُن کیوں اتراوے یادکر کہ تھی حیثیت تیری
رب نال گل کرن نا موسٰی ؑ
گیا طور پہاڑ گے اُپر
رب نے کہیو سنبھل گےآئیے ماں ہوگئی ہےرخصت تیری
رُتبہ درجہ اندر اعلٰی
رب رسولؐ توں پِچھے ماں ہے
ماں اپنی گی خدمت کرئیے سوہنی بن جائے قیامت تیری
ماں گی خدمت کرتاں کرتاں اویس کرنیؒ گو رُتبو دیکھو
ہر دعا قبول ہے اُس گی ایسو بن جا قیمت تیری
ماں اپنی نا یاد کریں تھا پاک نبی ؐ وی روتاں روتاں
ماں جیسو نوازؔ نیہہ کوئے ماں گی خدمت سعادت تیری
حق نواز چوہدری
کوئی تبصرے نہیں:
ایک تبصرہ شائع کریں
بہت مہربانڑیں کہ توؤں بلاگ وزٹ کیو اے ہوں امید کروں توؤں اپنڑیں رائے غو اظہار وی کرو غا تاکہ ہم اس گوجری بلاگ ناں مزید بہتر تیں بہتر کر سکاں۔