گوجر تاریخ کے جھروکے میں

محمد رفیق چوہدری، گوجر ریسرچر

گوجر تاریخ کے جھروکے میں:

گجر دنیا کے جس کونے میں بھی پیدا ہو
خواہ اس کا تعلق کسی بھی مذہب سے ہو
اگر وہ اصلی گجر ہو (لغات والا نہیں بلکہ مارشل ریس والا)
تو وہ جب تک جیتا ہے
لفظ گجر کو اپنی شان سمجھتا ہے اور گجر نام کو اپنی پہچان بناتا ہے۔
اپنی قومی پہچان اس کو اس قدر عزیز ہے کہمرنے کے بعد بھی اپنی اس پہچان کو باقی رکھنا چاہتاہے۔

مثال:
یہ امریکہ کے ایک قبرستان میں واقع چند قبروں کے کتبے ہیں
جن پر لکھے ناموں کے ساتھ لفظ GUJER بڑے واضح الفاظ میں لکھا ہوا ہے
دراصل یہ Frank Gottlieb Gujer اور اس کی فیملی کی قبریں ہیں ۔
وہ 5 جون 1875ء میں امریکہ کی مشرقی ریاست Wisconsin میں پیدا ہوا۔
اور 18 دسمبر 1937ء کو Hennepin County, Minnesota, USA میں 62 سال کی عمر میں وفات پائی۔
اس کی قبر Sunset Memorial Park Cemetery
Minneapolis, Hennepin County, Minnesota, USA
بلاک نمبر 16 میں واقع ہے ۔ میموریل آئی ڈی نمبر 99189152 ہے ۔
اس کی میموریل آئی ڈی سے اس کے خاندان کا سارا ڈیٹا معلوم کیا جا سکتا ہے
جو کہ حسب ذیل ہے :
1۔ باپ کا نام : Gottlieb Gujer
پیدائش 7 اگست 1846ء Zürich, Switzerland
وفات 15 اگست 1925ء Wisconsin, USA

2۔ والدہ کا نام : Walburga Fromm Gujer
پیدائش :1 مئی 1847ء Bavaria (Bayern), Germany
وفات: 17 فروری 1928ء Wisconsin, USA

3۔ شریک حیات: Orell E Gujer پیدائش: 1874ء وفات : 1933ء
4۔ بڑی بہن : Marie Catherine Gujer پیدائش :1870ء وفات :1949ء
5۔ بڑا بھائی : Nellie W. Gujer پیدائش: 1872ء وفات: 1953ء
6۔ چھوٹا بھائی : Millicent F Gujer پیدائش :1883ء وفات :1943ء
7۔ چھوٹا بھائی : Edward Jacob Gujer پیدائش :1886ء وفات :1961ء 

یاد رہے کہ:
ڈی این اے کے ذریعے نسل کا پتا چلانے والی عالمی شہرت یافتہ تنظیم Ancestry انٹرنیشنل کے مطابق امریکہ کی دو ریاستوں Wisconsin اور Iowa میں بڑی تعداد میں Gujer فیملی کے لوگ موجود ہیں ۔Ancestry.com کے مطابق امریکی ریاست Wisconsin میں 1880ء کی مردم شماری میں Gujer فیملی کی آبادی سب سے زیادہ تھی اور 1920ء کی مردم شماری کے مطابق ریاست IOWA میں Gujer فیملی کی آبادی سب سے زیادہ تھی ۔ Ancestry انٹر نیشنل نے ان فیملیز کے افراد کے نام اور مکمل کوائف بھی اپنی ویب سائیٹ پر دیے ہیں۔ ویب سائیٹ یہ ہے :
https://www.ancestry.co.uk/name-origin?surname=gujer
تحقیق سے معلوم ہوتا ہے کہ یہ سب لوگ یورپ سے مشرقی امریکہ میں منتقل ہوئے ۔ اسی نسل کے لوگ سویئزرلینڈ ، جرمنی ، سپین ، فرانس اور دیگر کئی یورپی ممالک میں بڑی تعداد میں آباد ہیں اور آج بھی اپنے نام کے ساتھ Gujer لگاتے ہیں ۔ یہ بڑے ذہین لوگ ہیں اور زندگی کے ہر شعبہ میں اپنی اعلیٰ صلاحیتوں کا لوہا منوا چکے ہیں ۔ جیسا کہ سویئزر لینڈ کی Grete Kellenberger Gujer کو میڈیکل سائنس میں بہت اعلیٰ مقام حاصل تھا جس نے اینٹی بائیوٹک طریقہ علاج کا متبادل دنیا میں متعارف کروایا اور نوبل انعام حاصل کیا ۔۔ خاص طور پر Jakob Kleinjogg Gujer کو سویئزر لینڈ میں وہی مقام حاصل ہے جو پاکستان میں علامہ اقبال کو حاصل ہے ۔ سویئزرلینڈ کی موجودہ ترقی میں اس کی ریسرچ کا بنیادی ہاتھ تھا۔ اس کے مجسمے آج بھی سویئزر لیںڈ کے مرکزی مقامات پر آویزاں نظر آتے ہیں جبکہ اس کا گھر ، گاڑی اور اس کے استعمال کی ہر چیز آج بھی سویئزر لینڈ کے قومی ورثہ کے طور پر محفوظ ہے ۔

تحقیق و تحریر: گجر پلیٹ فارم

بادشاہ تیں غلام بہتر، مصنف: پروفیسر خالد پرویز، گوجری ترجمو: محمد سلیم گجر کولی

محمد سلیم گجر کولی، گوجری مترجم

بادشاہ تیں غلام بہتر

بادشاہ سلامت گو دربار لگو ہے۔ ضرورت مند قطار در قطار حاضر ہو رہا ہیں۔ بادشاہ سلامت ہر اک گی درخواست ور اُس گی ضرورت گے مطابق حکم دے رہیو ہے۔ تے مچ ساری عدا لے رہیو ہے۔ اتنا مانہہ اک سوداگرحاضر ہووے۔ وہ بادشاہ سلامت گی خوشی گی خاطر کجھ غلام اپنا نال لایو ہے۔  تاں جے بادشاہ سلامت گی خدمت گزاری گے واسطے انہاں نا پیش کر سکے۔  وہ بادشاہ سلامت تیں درخواست کرے، بادشاہ سلامت !رب رخمن و رحیم تھارا وقار تے اختیار نا اُوچو کرے! ہوں کجھ غلام تھارا حضور پیش کرنا واسطے لایو ہاں۔ تم اُنہاں نا دیکھو تے جہڑا تم نا چنگا لگیں اُنہاں نا اپنی خدمت واسطے اپنا کول رکھ لیو۔ ہوں جانو ہاں کہ تھارا کول غلاماں گی کمی نہیں ہے۔ اک تیں بدہ گے اک ہر ویلے تھاری خدمت مانہہ تیار ہیں۔ ہوں سمجھوں کہ یا میرا واسطے بڑی سعادت تے اعزاز ہووے گو۔

بادشاہ سلامت سوداگر گی درخواست ور مسکرایو تے حکم دیتو کہ۔ ہر اک غلام نا باری باری میری خدمت مانہہ پیش کیو جاوئے۔ میں سوچیو ہے کہ اِن غلاماں نا کجھ سوال کروں ۔ جہڑو غلام میرا سوالاں گا ٹھیک جواب دے گو ہوں اُس نا غلام خاص رکھ لیوں گو تے جہڑا میرا سوالاں گو جواب نہیں دےسیں اُنہاں نا واپس جانو ہووے گو۔

بادشاہ سلامت گا حکم گی تعمیل مانہہ سوداگر باری باری ہر اک غلام نا پیش کرے تے نال ہراک غلام گی خوبی وی بیان کرے۔ اُنہاں گی تعریف وی کرے ور غلاماں وچوں کائے غلام بادشاہ گا سوالاں گا تسلی بخش جواب نہیں دے پاتو۔اس صورتِ حال تیں بادشاہ کجھ مایوس وی ہووے تے پریشان وی۔ وہ سوداگر نا کہہ۔

تم نا اپنا غلاماں گی مچ خوبی بیان کی ور میں وی ہر غلام نا پرخیو ور کائے غلام مناں متاثر نہیں کر سکیو۔ تھارا کول انہاں غلاماں تیں علاوہ اور وی کائے غلام ہے۔اگر ہے تے اُس نا پیش کرو نہیں تے انہاں نا واپس لے جا۔

سوداگر ناامیدی گی حالت مانہہ عرض کرے۔ بادشاہ سلامت ۔رب ذوالجلال تھارا مرتبہ گا ستارہ نا ہرویلے چمکتاں دمکتاں رکھے۔ اصل مانہہ اک اور غلام باہر موجود ہے تے ضد کر گے میرے نال آیو وی ہے۔ ور ہوں سمجھوں ہاں کہ وہ اس دربار شاہی گے قابل نہیں ۔اس واسطے میں اُس نا تھارے روبرو نہیں کیو۔

بادشاہ سلامت نے اُوچی اواز مانہہ سوداگر نا کہیو۔ تیں کس طرح یو فیصلو کر لیو کہ وہ اس دربار گے قابل نہیں۔ یو فیصلو ہم خود کراں گا۔ تم اُس نا فوری حاضر کرو۔ تاں جے ہم اُس کولوں کجھ سوال پوچھاں۔ ہو سکے وہ مہارا میعار ور پورو اُتر سکے۔ہم اُس نا اپنی ملازمت مانہہ رکھ لیاں۔ یاد رکھو کہ کسے نا ظاہری دیکھ گے اس گا باطن گو فیصلو نہیں کیو جا سکتو۔دوڑ گے جاؤ تے جہڑو غلام اتنا شوق نال تہرے نال آیو ہے اُس نا حاضر کرو۔

سوداگر بادشاہ گا حکم گی تعمیل کرتاں واں غلام نا دربار مانہہ حاضر کرے۔ غلام ادب نال اپنو سِر نیوہ کرگے سلام کرے۔ تے فرہتھ بن گے کھڑو ہو جاوے۔ بادشاہ اُس غلام تیں سوال و جواب گو سلسلو شروع کرے تے پہلو سوال یو پوچھے کہ

دس تیرو ناں کے ہے۔

دوجاں غلاماں گے برعکس یو غلام جواب دے۔ بادشاہ سلامت تم غلام نا جس ناں نال مرضی ہے یاد کر سکیں۔غلام تے غلام ہی رہے اُس گو اور کے ناں ہو سکے۔

بادشاہ پوچھے ۔ اچھا دس تناں کھانا مانہہ کے چنگو لگے۔ غلام جواب دے کہ مالک گی مرضی جہڑی چیز دے گو کھا لیوں گو واہ ہی میری پسند ہووے گی۔

بادشاہ اُس کولوں اخری سوال پوچھے ۔تیری کائے خواہش ہے تے دس تاں جے اُس نا پورو کیو جاوئے۔ ہم تھارا جواباں تیں مچ خوش ہویا۔ ہون ویلو ہے جہڑو کجھ منگے گو وہی تناں لبے گو۔غلام ادب نال عرض کرے۔

بادشاہ سلامت۔ہوں اک غریب غلام ہاں ۔نہ اختیار اپنو۔ نہ ارادو اپنو اس واسطے مناں کائے حق نہیں کہ ہوں کسے خواہش تے آرزو نا اپنا دل مانہہ جگہ دیوں ۔ میری کائے خواہش نہیں۔

بادشاہ سلامت غلام گا انہاں جواباں ور اک نعرو بلند کرے تے بے ہوش ہو جاوے۔ سارا درباری کٹھا ہو جاویں افراتفری ہو جاوئے ۔ حکیم و طبیب طلب کیا جایں۔ ہر آدمی پریشان دِسے تے وہ سوداگر جہڑو اس غلام نا لے گے آیو تھو۔وہ فکرمند تے پریشان ہو گے اک کرسی ور بیٹھ جاوے۔ وہ دل مانہہ سوچے کہ میرو اندازو ٹھیک تھو کہ یو غلام اس دربار شاہی گے قابل نہیں تھو ۔  ہون مناں یا پریشانی ہے کہ اس گو انجام کے ہووے گو۔

کجھ دیر بعد بادشاہ ہوش مانہہ آیو تے انکھ کھولی تے سارا درباریاں گی وی جان مانہہ جان آگئی۔ بادشاہ نے پہلی نظر مانہہ جہڑو آدمی دیکھیو وہ وہی غلام تھو۔  غلام اُسے طرح ہتھ بن گے کھڑو ہے۔اُس گا چہرا ور نہ کائے پریشانی تے نہ کائے حیرانی ہے۔

ہون بادشاہ تھوڑی دیر بعد بولے تے خود کلامی کرتاں واں قابل سماعت آواز مانہہ کہہ؛ اے ابراہیم ادھم افسوس ہے تیرا ور تے سو افسوس ہے تیرا ور بلکہ ہزار افسوس ہے تیرا ور توں وی اپنا رب گی غلامی گو دعویٰ کرے ور تیرو مقام اس غلام تیں وی تھوڑو ہے۔ حالاں کہ رب قادر و قدیر نے تناں بادشاہت جیسی نعمت تیں نوازیو ہے ۔ تیرا کولوں تے غلام چنگو ہے،جس نے اپنا سارا اختیارات اپنا مالک گا ہتھ مانہہ دے دِتا تے اپنی کائے مرضی، منشاءیا خواہش ، آرزو نہیں رکھی۔  ور اک توں ہے کہ سارا اختیارات اپنا کول رکھے۔

بادشاہ سلامت بلخ گا سلطان تے عظیم حکمران ابراہیم ادھم نے اُس غلام نا اپنا مقربین مانہہ شامل کر لیو۔اُس گا دل و دماغ ور غلام گا جواباں تیں جہڑو اثر ہویو وہ ناقابل بیان تھو۔       

کتاب: اسلامی کہانی،  مصنف: پروفیسر خالد پرویز،  گوجری ترجمو: محمد سلیم گجر کولی

اُوتَرُو مُشَافُر، تحریر: ابرار حسین گوجر

ابرار حسین گوجر، گوجری لکھاری

اُوتَرُو مُشَافُر

ابرار حسین گوجر

ماسی صفوراں: اوترو مشافر اےاُس غو  دل تھوڑو اے، تاں ُبک ُبک روئے۔

شادو : ماسی صفوراں گل تے تھاری ٹھیک اے پر یاء رب غی دینڑں اے ، کوئی بندہ غا وس غی گل تے ہے نیں ۔ روئیاء نال کےتہیں  پُتَر لب یائیں غاء؟  ہالا اُس نیں اولاد نی دتی تے کے ہُوا؟۔  فیئر سیدو ناں کیہڑی چیز غی تھوڑ اے؟ اللہ جنت نصیب کرے لالی دُلہ ہوراں ناں، سب کوئی بنا تنا غے گیا ایں۔ گھر بار سوہنڑوں، کھائیں پئیں چنگو چوخو، کوئی ہاری نیں کوئی بیماری نیں فیئر جیلے دیخو کُڑیاں آروں اتھروں ! اتھروں وی اتنا موٹا موٹا جسطراں پرنالا وچوں پانڑیں بغے۔

ماسی صفوراں : شادو کوئی بیماریں دِستیں نیں پُتر پر  بندہ غو اندر گال شوڑیں ۔ اے سارا اُس غا کم ایں کسے ناں ہنسائے تے کسے ناں روائے جیت اُس غی ہُوئی جیہڑو اس غی رضاء وچ راضی ہو غیو، جس نے اس غی من لی۔ سیدو بچارو روئے ناں تے کے کرے رویاء بغیر چارو وی کے اے؟ بے بس بندہ غا اتھروں اپنڑیں آپ نکلیں۔ بس پُتر دعا کیا کر اللہ کسے ناں کسے آزمائش وچ ناں بائے جے بائے تے صبر، ہمِت تے حوصلو وی دئیے۔

شادو :ماسی کے دسوں کل رکھ وچ اس طرے ہتھکورہ پرے تھو کہ اس غو سب کوئی ڈُب غیو اے۔ سارا لوک اپنڑاں کم کات چھوڑ غے اس سورا ء  ناں چپ کراتا رہیاء۔ ہوں حیرانڑں اُو ں چُپ چویتاں بیٹھاں بیٹھاں کے سوچ پئی کہ یُو رو رواس بائیو  اِس لَوَناں نیں۔ماسی مِناں تے گل کوئی ہور ای لگے۔

ماسی صفوراں : شادو اللہ غیں اللہ ای جانڑے، ساریاں گلاں غو علم اسے کول اے۔ اُو ڈاہڈو بے پروا اے۔  کسے ناں روائے کسے ناں ہسائے  ۔ بس اُو ای اُو ہے ۔  بندہ کول تے بہت تھوڑو جیہو علم ہے اُو کے کسے غی جانڑں ہکے۔

شادو :جی ماسی ٹھیک کہیو اے۔ ارے رفیق توں اِت کے کرے جا اپنڑاں سکول غو کم کر۔

اماں صفوراں تے میری ماں شاہدہ غی یاء دُخی سُخی مناں آئے وی اسے طرح یاد اے۔ میریاں  اکھاں اگے  او ویلو  اِچور وی اسے طرح تازو اے۔ چچا سیدو ناں تے ہوں سیانڑے تھو پر او اُوتر مُشافُر اے تے اُوترَ مَشافَر غو دل تھوڑو وے اس گل غی سمجھمِناں اس ویلے  نی آئی۔ ٹیم گزرتاں وخت نیں لگتو۔ اماں صفوراں ، میری ماں شاہدہ تے چاچو سیدو سارا گزر غیاء ۔ چاچا سیدا  غا مریا تیں  بعد چاچی حمیداں بچاری دربدر ہو غئی۔ چاچو اس غو بہت خیال رکھے تھو، اس غا سارا لاڈ منے تھو جہیڑی گل چاچی کہہ تھی چاچو سیدو پوری کرے تھو۔ گراں آلا سارا کہیں تھا چاچو سیدو  زَن مُرید اے۔ چاچی غیں ساریں اڑیں وی اُسے کِلاء مُنڈ تھیں۔

چاچو  سیدو  مریاء تیںتھوڑو عرصو پہلیوں گھر تے مسیت غو ہی ہو غے رہ غیو ۔ جس ویلے دیخو کدے مسیت غیں دریں صاف کرتو وےتے کدے وضو خانڑاں، تے کدے لاؤڈ سپیکَر لے غے بزار جاتو وے۔ گھر وی جاؤ تے ریڈیو اوپِر صؤت القرآن سٹیشن لا غے سنڑتو وے تھو۔پَر  چاچی حمیداں غی تے دُنڑیاں ای ہور تھی اس ناں لایا کھایا غو شوق تھو، کدے پراراں غے جاتی وے، کدے گمانڈیاں غے ہانڈی چکتی وے۔ ہر ایک کُڑی  نال گل بانڑیں اس ناں کوئی ناں کوئی سُکھ  نصیحت کرنی، ساریں کُڑیں جے اپنڑاں دکھ درد دسیں تھیں تے صرف چاچی حمیداں ناں دسیں تھیں کیونکہ چاچی ایک غی گل دوئی ناں کدے نتھی دسے۔ چاچو سیدو جئیو گزریو چاچی ناں چُپ نے آنڑں پغڑ یو۔ چاچا دیں بعد چاچی دو ترے سال زندہ رہی پر اس طراں جس طراں واہ کدے نہ ہسی اے ناں  بولی اے۔ بس جیہڑو کوئی چا دیو کھا لیئے تھی جیہڑا کپڑو چیڑو دیو لا لیئے تھی۔

ہوں پڑھائی واسطے  گراں تیں شہر آ رہیو، فیئر اِتے نوکری ہو غئی پر اوترا مشافر غو مطلب سمجھ نی آیو ۔ ایک روز میرا کولیگ نے صاحب کولوں قرضو منگیو صاحب نے اس ناں انکار کر شوڑیو، او میرے کول آیو۔   بڑا غصہ وچکیہنڑں لغو  اللہ جس ناں جتنوں دیئے او اس اوپر سَپ بنڑں غے بھیس رہ۔ صاحب غو ناں بال بچو ہے ناں کوئی خرچو،  ڈیڑھ لکھ روپیو تنخواہ ہے پر کسے ناں ایک رپیو نیں دیتو۔  اس اوترا  مشافر ناں کے پتو گھر بار آلاں غا کے خرچا تے کیہ مجبوریں ویں؟ اناں اُوتراں غا دل سخت تے بڑا کنجوس ویں ۔

ویلو  لنگتو رہیو ، خیر نال میری شادی ہو غئی ۔ اللہ تعالیٰ غو شکر تھو کہ مناں دفتر غی طرفوں رہائش لبھی وی تھی۔ ہوں اپڑیں فیملی ناں وی نال لے آیو۔ اک روز دفتر دیں واپسی اوپر گھر آیو تے اک  گمانڈنڑں  میری بیوی کول بیٹھی وے گِٹ مِٹ کرے تھی۔ بعد وچ میں گھر آلی کولوں پچھیو تے واہ  بولی یا کہہ تھی کہ میرو جیٹھ مہارے نال ای رہ ۔ اپنڑوں کاروبار اے ہزاراں روپیہ مینڑاں غی آمدن اے پر دوئے میاں بیوی اتنا کنجوس ایں کہ میریاں بچیاں ناں پتنوں تک نیں پُچھتا ۔ اوترا  مشافر ایں اناں غا دل پتھراں کولوں وی سخت ایں ۔ تہِیاں آلاء ہوتا تے پتو وے آ کے بیٹیاں غو دکھ کے وے۔

گھنٹہ دناں وچ تے دن ہفتاں وچ، ہفتاء مہیناں وچ تے مہیناں سالاں وچ بدلتا رہیاء۔  آئے میرا بیاہ ناں پندراں سال ہو غیا ایں۔ بیوی چنگی، ہمدرد تے محبت کریاء آلی اے، تنخواہ اتنی اے کہ سوہنڑوں  گزر بسر وے۔ پہلوں کرایہ اوپر رہ تھو، اللہ غی مہربانڑیں نال آئے اپنڑوں ذاتی گھر ہے۔ ہر نعمت اس رب العزت نے دتی وی ہے پَر کمی لائی ہے تے یا کہ اولاد غی نعمت تیں  نیں نوازیو۔  آئے سمجھ آئی ہے کہ چاچو سیدو سب کُجھ ہویا غے باوجود بُک  بُک اتھروں کیوں روئے تھُو۔ تے چاچی حمیداں نے چُپ غو روزو کیوں رکھ لیو تھو۔  اوترا  مشافر کنجوس، سخت دل تے احساس تیں عاری کیوں ویں؟۔ اُو کیہڑا تتا تواء اوپر بیٹھا واہ ویں  تے کیہڑو جفر جالیں ، گل یا ہے کہ  جیہڑو چانڑے اُوئی جانڑے۔

 آئے پتو لگو کہ چاچو  سیدوآخر عمر ناںہر ویلے مسیت وچ کیوں وے تھو؟ کیونکہ اس ناں راہ لبھ غئی تھی۔اس ناں پتو لگ غیو تھو کہ یاء دنیا، مال  تے  اولاد سب کوئی بندہ تے رب غے درمیان رکاوٹ ہے۔ بندہ تے رب غے درمیان پَردُو ہے۔ اس ناں رب غو پیغام پہنچ غیو تھو ۔ اس ناں پتو لگ غیو تھو کہ یا دنیاغی  زندگی تے بس عارضی تے کھیل تماشو اے۔  اُو رب غو پیغام پڑھ نتھو سکے پر سنڑں تے سکے تھو اس نے صؤت القرآن اپر سنڑ لیو تھو کہ:

 "اور جان رکھو کہ تمہارا مال اور اولاد بڑی آزمائش ہے۔ اور یہ کہ خدا کے پاس (نیکیوں) کا بڑا ثواب ہے"۔(سُوْرَةُ الْاَنْفَال28)

جیہڑو جانڑں غیو اُس غا اتھروں خشک نیں ہوتا، اسناں چلتاں پھرتاں، اٹھتاں بیستاں اکو  اک رب یاد رہ یائے۔

یو راہ سوکھو نیں  پر جس ناں اُو مالک چاہے اس واسطے سوکھو ہو یائے،  دعا کرو  مناں وی اللہ تعالی غی گل سمجھیا تے عمل کریا غی توفیق ملے، آمین 

گوجری مکالماتی کہانی، کہانی کار: منیر احمد زاہد

منیر احمد زاہد، کہانی  کار

گوجری مکالماتی کہانی 
کہانی کار: منیر احمد زاہد 

عمران خان:-یرا ٹرمپا سچی گل پچھے دے ہوں تیرے کولوں پیسہ منگن نئیں آیو
میں پچھلے سال مہیس کٹا ککڑیں پالن تے زمیں راہن باہن گی سکیم بنالی تھی
نہ کسے گی محتاجی غلامی، دے نہ قرضاں گی لوڑ
اے بکروالاں نا دیکھو مال چوکھر رکھیں دے موج ماریں
ٹرمپ :- بکروال کیہڑا رے عمرانیاں ؟
عمران خان:-اوہ وے ہی جنہاں نا افغانستان ما کوچی کہیں
اپنو کھیں پئیں کسے گی مول گل نہ منیں دے نہ چلہیں۔
ٹرمپ :- او عمرانیاں افغانستان گی گل نہ کر مناں لوندرا چڑھیں ۔
عمران خان :- سب تیرا پچھلاں گا کرتوت ہیں نہ ات جاتا نہ لوندرو چڑھتو تناں پتو اے یہ افغانی کسے کولوں قابو نئیں آیا۔
ٹرمپ :- یرا اس واری میری جان چھڑکا اتوں دوجی واری میرا باپ گی توبہ !
عمران خان:- اک شرط ہے میری۔
ٹرمپ:- کے رے ؟
عمران خان :- اے مودی نا سمجھا مہارا جموں وکشمیر ما بکروالاں ور جنگل بند کیا ہیں انہاں گو مال پہاروں ہرسال مارن ہوئے پچھلے سال اک گدری مار چھوڑی تھی آصفہ بڑو ظلم کیو توبہ !
ٹرمپ :- وہ مودو ہندوستان ما مسلمان کے عیسائیاں نا وی کپے ٹکے، کئی ساڑ چھڑیا پرار جے
فیر وی ہوں تیرا کہن ور کہوں گو اسناں ور میری اک گل سن ۔
عمران خان:- کے رے ؟
ٹرمپ :- یرا تم دوئے گمانڈی رل مل جرگو لا گے مسئلو حل کیوں نئیں کرتا رے ؟ روز گی ٹاں ٹاں مکے، ککڑ کہول دے چچہول لایو رہ تم نے ۔
عمران خان :- یرا تو بڑا موٹا دماغ گو ہے ہوں یوہی کہوں لگو
جے نہ جنگ افغانستان ما تیرا حق ما ہے نہ جموں وکشمیر ما میرا حق ما۔
ٹرمپ:- باجوہ کے کہہ اس گل ما ؟
عمران خان :- یرا اک دے تو باجا کولوں بڑو چہکے ترٹھو وہ بڈھو۔
ٹرمپ :- ترہن گی گل نئیں یرا جنو ڈاہڈو دسے مناں ۔
عمران خان :- کشتی کھیڈ گے دیکھ لے ۔
ٹرمپ :- نئیں یرا بڈھا جناں گی کنڈ لاچھوڑے دے بے عزتی ہوجائے۔
عمران خان :- یرا تمنا بے بے عزتی نال کے ؟ کدے ویتنام کدے افغانستان ۔
ٹرمپ:-افغانستان گو ناں نہ لے فیر لوندرو چڑھ گیو یرا ۔
عمران خان :- لوندرا کولوں بچنو ہے دے اپنی پالیسیاں نا بدل ۔
ٹرمپ :- یرا وہ ہی کج کروں گو، پہلاں جان دے چھٹے پچھلاں جھمیلاں کولوں۔
عمران خان:- جمیلہ ؟ کیہڑی جمیلہ ؟
ٹرمپ:- وا میری بوہٹی ہے، اس گو ناں نہ لیے خاناں ۔
عمران خان :- یرا بوہٹی ہے دے رکھ اپنے کول ۔
جسرا کہیے نا میں بوہٹیں نئیں دیکھیں۔ 3 کررہیو ہاں ہن توڑی۔
ٹرمپ:- چپ کر آہستے بول میری بوہٹی سن گئی دے کٹے گی مناں وی نال سکھان اپر تناں وی۔
بیاہ گی گل سن گے لہر مچ چڑھے اس نا۔
عمران خان :- تاں تو وی بوہٹی کولوں ڈرے اسے نا
نہ کہوں مسلہ کشمیر حل کراوے؟
ٹرمپ:- اس گا کن نہ بھریے مت ہوں بوہٹی دوں وی جاوں۔
عمران خان:- فیر حل کرا مسلو کشمیر ۔
ٹرمپ:- ہلا یرا ہن چپ کر ، کروں گو کجھ جے گل منی مودا نے