دل وی مرن گی کار کرے تھو، گوجری غزل، جاوید سحر، گوجری شاعر

جاوید سحر، گوجری شاعر

گوجری غزل

دل وی مرن گی کار کرے تھو

جد تیرے سنگ پیار کرے تھو

اُس دشمن گو ھوں کے کرتو؟

سینے لگ گیہ وار کرے تھو

اکھاں ناں دیکھن گی ہیکھی

دل  ؛ اپلاتا پہار کرے تھو

اُس نے میرو تے نیں پچھیو

کے کج میرو یار کرے تھو؟

جاتک نیں تے ٹہنو ای تھو

اُوکھیں اُوکھیں کار کرے تھو

خاب انگورن پے جایں تھا

وہ جد جد اقرار کرے تھو 

جاوید سحر

ہر پاسَے کشمیر کی گََل ہے, گوجری نظم, ذوالفقار اکبر چوہدری، گوجری شاعر

ذوالفقار اکبر چوہدری، گوجری شاعر

گوجری نظم

ہر پاسَے کشمیر کی گََل ہے

سوؔپور زینہ گیر کی گَل ہے

لوک کہَراں ماں بَند کِیا ایں

بَنیا نے اُت پھَند کِیا ایں

سارا اُت ٹُکڑا ناں تَرسیں

بچہ تَرسیں بُڈھا تَرسیں

تَہاڑو تَہاڑ کریں اُت سارا

وارو  وار  مَریں اُت سارا

اُٹھے اُت لاشہ پر لاشو

دنیا دیکھے کِیہوں تماشو

پاکؔ نے ہے کُوکارو باہیو

سارو عالم سِر پر چاہیو

کاؔشمر کا لوک بچاؤ

عَرب تے آؤ عَجم تے آؤ

ذُلفیؔ بھی رو رو کے سَدھَے

کِہڑو  جہڑو  اَگے  بَدھے

ذوالفقار اکبر چوہدری