چھالا پَک پَک جان نَک نَک راہ تَک تَک دِسی نہ ہِیر مناں، چودھری محمد یٰسین غلاؔم، گوجری شاعر

غلام  یٰسین غلاؔم،  گوجری شاعر

گوجری غزل

چھالا پَک پَک جان نَک نَک  راہ تَک تَک  دِسی نہ ہِیر مناں

غم پَھک پَھک روؤں تَھک تَھک آوے ٹَک ٹَک لگیں تیر مناں

کھلو دَک دَک  رہیو شَک شَک  ڈُلیا ڈَک ڈَک  آخر  نیر مناں

گیو اَ ک اَ ک  لگیں چَک چَک  پَہنیو لَک لَک کیو زہیر مناں

اندر  رَس رَس  وچ  بَس بَس  گیو نَس نَس بدر منیر مناں

لی کَھس کَھس نہ وَس وَس حشر دَس دَس رب قدیر مناں

تِیلو سُک سُک رہیو  مُک مُک  آوے رُک رُک  درد بے پیر مناں

دیکھوں لُک لُک نالےچُہک چُہک مارےچُک چُک ہاۓضمیر مناں

ھاۓ دَل دَل  لاھی کَھل کَھل  سینو سَل سَل  گئی لکیر مناں

ہتھ   مَل  مَل  ماس  تَل  تَل   اگ  بَل  بَل   لگو   کیر   مناں

گئی چَل چَل دیکھوں کَھل کَھل   لگا  وَل وَل  شمشیر  مناں

یاد چَھٹ چَھٹ لاوےسَٹ سَٹ  غلاؔم ہَٹ ہَٹ کرےاسیر مناں

غلام  یٰسین غلاؔم

گوجری کتاب " دئیو "  گی ایک غزل کا چند اشعار