 |
حق نواز چوہدری، گوجری شاعر
شُعلو کیسو بھڑکے دباتاں دباتاں
شُعلو کیسو بھڑکے دباتاں دباتاں
جام سارو ڈُلے پلاتاں پلاتاں
دُکھاں تےدرداں گی پَنڈھ اک ہی کھولیں
رات ساری لنگ گئی سناتاں سناتاں
بےدرد کیسو ہوؤ یوہ زمانو
دُکھ ہور دِتا بنڈاتاں بنڈاتاں
محبت تے وعدہ سوکھا تے دِسیں
ہووے سِر قیامت نبھاتاں نبھاتاں
اُجڑتاں چمن نا لگتی نہئہ ساعت
لگے اک زمانو بساتاں بساتاں
زندگی ما کوۓ وقت ایسو آوے
بِگڑ ساری جائے بناتاں بناتاں
زندگی وی کہ ہے ساہ گو بساہ نہئہ
دن رات گزرے کماتاں کماتاں
جہڑو راز رکھیو دل ما چھپا گے
نواز سارو کُھلے چھپاتاں چھپاتاں
حق نواز چوہدری
کوئی تبصرے نہیں:
ایک تبصرہ شائع کریں
بہت مہربانڑیں کہ توؤں بلاگ وزٹ کیو اے ہوں امید کروں توؤں اپنڑیں رائے غو اظہار وی کرو غا تاکہ ہم اس گوجری بلاگ ناں مزید بہتر تیں بہتر کر سکاں۔