 |
عبدالرشید چوہدری، گوجری شاعر
نعت رسولؐ
سُتی ہوئی قسمت نا
اِس طرحاں جگایا کرو
لے خاک مدینہ کی
اکھاں ماں لگایا کرو
سرکارِ دو عالمؐ کی
طاعت ماں رضا رب کی
ہر حال
ماں دنیا نا یا
گل سمجھایا کرو
حضرتؐ کی سُنت ہے
چاہت نا عام کرو
تم پیار
محبت کا مُچ
پھول کھِلایا کرو
سرکارؐ کی چاہت کا
پُھل تازہ رکھو دل ماں
اِس دل کی نگری نا خوشبو تیں سجایا
کرو
کُجھ عجب نہیں حضرتؐ
آ جائیں خواباں ماں
اُمید کو
در تھم کے بس اتھروں
بہایا کرو
مُچ پیار محبت تیں
پڑھو صلِ علیٰ ہر دم
یوہ ورد زباں رکھو
سیناں ماں بسایا کرو
اُمید رکھو در تیں
سدیں گا ویہہ در اپنے
دِن رات درود پڑھو تم نعتؐ سنایا کرو
سرکارؐ کی آوت کا مقصد
نا سمجھ پہلاں
پِھر بھاویں جلوس
کڈھو میلاد منایا کرو
گھر میرو نیں اِس
قابل گھر میرا ماں تم آؤ
بن بارش رحمت کی تمؐ
خواب ماں آیا کرو
عبدالرشید چوہدری
کوئی تبصرے نہیں:
ایک تبصرہ شائع کریں
بہت مہربانڑیں کہ توؤں بلاگ وزٹ کیو اے ہوں امید کروں توؤں اپنڑیں رائے غو اظہار وی کرو غا تاکہ ہم اس گوجری بلاگ ناں مزید بہتر تیں بہتر کر سکاں۔