 |
ضیاد انجم چوہدری، گوجری شاعر
کوئ سنگی بیلی تیرو نی
کوئ سنگی بیلی تیرو نی
کیوں آس غو دیوو بال رکھیہ
کرکفن دفن بسار چھوڑیں
کانڑ چیتو مہینہ سال رکھیہ
جد قسمت ہجر لیکھ لکھیہ
تد آس غی نگری انہیر ِدسہیہ
توں انجم مچ دیوانو ہے
جہیڑو فر وی امید وصال رکھیہ
ہر ہک غی دیکھ تو خو خصلت
ہرہک۔غو ہے ات جہان الگ
نی لبھہیہ غو لوڑ بیکار تیری
جہیڑو سینہ با جمال رکھیہ
ہیں صورت ظاہری مچ سوہنڑیں
پر دل کلوہی تیں کالا
ات ہستاں دیکھ سکاویں نہ
نہ روتاں غو کوئ ملال رکھیہ
لفظ شکر فطرت سپ جئ
شکلاں ور کھایئے دھوکہ نہ
توں سدو سادو بندو ضیاد
ویہہ فریب مانہہ مچ کمال رکھیہ
ضیاد انجم چوہدری
کوئی تبصرے نہیں:
ایک تبصرہ شائع کریں
بہت مہربانڑیں کہ توؤں بلاگ وزٹ کیو اے ہوں امید کروں توؤں اپنڑیں رائے غو اظہار وی کرو غا تاکہ ہم اس گوجری بلاگ ناں مزید بہتر تیں بہتر کر سکاں۔