 |
| عابدہ عالم عابی، گوجری شاعرہ |
درد سینہ ماں میرے اک جہان کو ہے
درد سینہ ماں میرے اک جہان کو ہے
حق پہلاں میرے پر میری زبان کو ہے
مناں دنیا کی تاریخ تم کے دسو
بڑو مسلو میری پہچان کو ہے
اچیں بہک تے سنگڑاں کا مٹھا پانی
میرو بسیوو بھی بیا بان کو ہے
باپ دادا کی رسی نیھ چھوڑ سکتی
میرو منجو اج بھی دیکھو بان کو ہے
دل کی کانی نے وجود رنجور کیو
لگو روگ مناں اپنی جان کو ہے
ہر قدم ہےانسانیت کی قدر کرنی
یوہ ہی حکم میرا رب رحمان کوہے
منہ لٹکائیے نہ خود ناں گجر کہتاں
گجر ناں دوجو عظمت شان کو ہے
قوم واسطے کوئے عمل کر چھوڑو
پہار بنیو کہاں ناں اگلا جہان کو ہے
باپ دادا کی پگ کی ہے لاج رکھنی
یوہ بھی فرض عابی گجر انسان کو ہے
عابدہ عالم عابی
کوئی تبصرے نہیں:
ایک تبصرہ شائع کریں
بہت مہربانڑیں کہ توؤں بلاگ وزٹ کیو اے ہوں امید کروں توؤں اپنڑیں رائے غو اظہار وی کرو غا تاکہ ہم اس گوجری بلاگ ناں مزید بہتر تیں بہتر کر سکاں۔