خزاواں ما تو ہے بہاراں ما تو ہے، پھل پھول کلیاں شراراں ما تو ہے

حق نواز چوہدری، گوجری شاعر

حمد باری تعالی

خزاواں ما تو ہے بہاراں ما تو ہے، پھل پھول کلیاں شراراں ما تو ہے

عرش فرش کرسی تے لوح وقلم ما، دینہہ چن تاراں سیاراں ما توہے

تحت الثری تے ثریا و سدرہ،  بحروبر دریا تے دھاراں ما تو ہے

موجودوعدم تے ازل وابد ما، صبح شام  لیل و نہاراں ما تو ہے

کوہ و دمن تے دشت وچمن ما،  جہاناں گا سارا نظاراں ما تو ہے

جسم جان روح تےقلب وعقل ما،  رگاں تے نبضاں حراراں ما تو ہے

بصارت بصیرت سماعت گے اندر،  دھڑکن تے اکھ گا اشاراں ما تو ہے

کلمہ نمازاں اذاناں گے اندر، حدیثاں قرآنی سپاراں ما تو ہے

پھل پھول پتیاں کلیاں گی رونق،  خوشبو تے شبنم نکھاراں ما تو ہے

خالق ومالک تے مشکل کشا تو،  حقیقی سہارو سہاراں ما تو ہے

سب ہیں سوالی تو داتا ہے سب گو، نداواں تے آہ وپکاراں ما تو ہے

توحید تیری گا شاہد ہیں سارا،  الست گا قول و قراراں ما تو ہے

ستاری گی چادر ما مناں چھپائیے،  دن رات زاروقطاراں ما تو ہے

کہ اوقات میری کت ذات تیری، نواز جیہا پاپی ناکاراں ما تو ہے

حق نواز چوہدری