 |
ضیاد انجم چوہدری، گوجری شاعر
گوجری غزل
کہلی جان تے لکھاں غم
کالی رات تے چہکھڑ چہنگ
زندگی کا ہیں کتنا روپ
کوئی غرضی ، کوئی مست ملنگ
کون کسے غو درد بنڈاوے
ہر کوئی اپنا آپ تیں تنگ
چنچل چہرہ حیران حیران
کِتے ابھرتی شوخ امنگ
دنیا کا بازار ما بِکیں
شراب کباب ، شباب غے سنگ
آ دسوں وَہ ہٹی تِناں
جت لبیں چرس، پوڈر تے پہنگ
اجاڑ مسیت اج بستی ہی نیں
سی ڈی ، ٹی وی ، کیبل رنگ
جد بولی ات پیار کی لگی
چھڑ گئی غرض، خلوص کی جنگ
رہیو پِچھے کد توں وی ضیاد
ہنڑ تے رب تیں معافی منگ
ضیاد انجم چوہدری
کوئی تبصرے نہیں:
ایک تبصرہ شائع کریں
بہت مہربانڑیں کہ توؤں بلاگ وزٹ کیو اے ہوں امید کروں توؤں اپنڑیں رائے غو اظہار وی کرو غا تاکہ ہم اس گوجری بلاگ ناں مزید بہتر تیں بہتر کر سکاں۔